सांगोला ( प्रतिनिधी )- सार्वजनिक आरोग्य व कुटूंब कल्याण मंत्री मा. ना. श्री. प्रकाश अबिटकर व सार्वजनकि आरोग्य व कुटूंब कल्याण राज्यमंत्री मा.ना.श्रीम. मेघना साकोरे-बोर्डीकर यांच्या संकल्पनेतून मकरसंक्रांत (दि. १४ जानेवारी २०२६) निमित्त सोलापूर जिल्हयातील महिलांसाठी Menopause Clinic सुरु करण्यात आले आहे. सांगोला येथील ग्रामीण रुग्णालयातही हे क्लिनिक सुरू करण्यात आले आहे. त्याचा लाभ महिलांनी घ्यावा असे आवाहन जिल्हा शल्य चिकित्सक डॉ. वर्षा डोईफोडे यांनी केले आहे.
राज्यातील महिलांचे आरोग्य सुदृढ राखणे तसेच विशेषतः रजोनिवृत्ती (Menopause) कालावधी मध्ये महिलांमध्ये होणाऱ्या शारीरिक, मानसिक व संप्रेरक बदलांवर योग्य वेळी वैद्यकीय उपचार, तपासणी व समुपदेशन उपलब्ध देण्याकरीता दि. १४ जानेवारी २०२६ मकरसंक्रांतीचे औचित्य साधून राज्य शासनाच्या सार्वजनिक आरोग्य सेवा विभागाच्या निर्देशनानूसार सोलापूर जिल्हयातील सर्व, उपजिल्हा रुग्णालय, माहिला रुग्णालय तसेच जिल्हा रुग्णालयांमध्ये व ग्रामीण रुग्णालय येथे रजोनिवृत्ती (Menopause) क्लिनिक सुरु झाली आहे.
मेनोपॉज क्लिनिकची गरज का आहे ?
१. आरोग्याच्या समस्या वेळेवर ओळखता येतात. मोनोपॉज दरम्यान पुढील समस्या दिसू शकतात:- गरम झटके (Hot flashes) घाम येणे, झोप न लागणे, मूड बदल, चिडचिड, नैराश्य, वजन वाढ, सांधेदुखी ईत्यादी आजार होऊ शकतात. क्लिनिकमध्ये स्त्रीरोग तज्ञ व इतर तज्ञ डॉक्टर या समस्या समजून घेऊन योग्य उपचार देतात.
२. हाडांची झीज (Osteoporosis) टाळता येते. इस्ट्रोजेन हार्मोन कमी झाल्यामुळे हाडे ठिसूळ होतात फॅक्चरचा धोका वाढतो. मेनोपॉज क्लिनिकमध्ये: कॅल्शियम, व्हिटॅमिन D इ. तपासण्या, योग्य व्यायाम सल्ला मिळतो.
३. हृदयविकार व मधुमेहाचा धोका कमी करता येतो- मेनोपॉजनंतरः BP, शुगर, कोलेस्टेरॉल वाढण्याचा धोका असतो नियमित तपासणी, उपचार व आहार जीवनशैली मार्गदर्शन मिळते.
४. मानसिक आरोग्याकडे लक्ष दिले जाते- विसरभोळेपणा ताणतणाव आत्मविश्वास कमी होणे. समुपदेशन (Counselling) व मार्गदर्शन मिळते.
५. महिलांसाठी सुरक्षित व सन्मानजनक वातावरण महिलांना आपले प्रश्न मोकळेपणाने मांडता येतात. या मेनोपॉज क्लिनिक या क्लिनिकमध्ये फक्त उपाचार नाही तर संपुर्ण मार्गदर्शन मिळते.
त्याअनुषंगाने दर बुधवारी विशेष मेनोपॉज OPD सुरु करण्यात आले असून त्याचा फायदा जिल्हयातील रजोनिवृत्तीच्या उंबरठ्यावर असलेल्या महिलांना होणार आहे. साधारण ४५ ते ५५ या वयात महिलांचे मासिक पाळी कायमची बंद होते, यालाच मेनोपॉज रजोनिवृत्ती म्हणतात, पण या काळात शरीरात अनेक बदल होतात व त्याबदलांना सक्षमपणे सामोरे जाणे गरजेचे असते.
Post a Comment
0 Comments