वाढेगांव येथे तालुकास्तरीय जागतिक मृदा दिन कार्यशाळा संपन्न

 

वाढेगांव (प्रतिनिधी) - वाढेगांव ता. सांगोला येथे दि. ५ डिसेंबर रोजी तालुकास्तरीय जागतिक मृदादिन कार्यशाळा संपन्न झाली. या  कार्यशाळेसाठी कृषी विज्ञान केंद्र मोहोळ येथील प्रमुख शास्त्रज्ञ डॉक्टर तानाजी वळकुंडे यांनी मार्गदर्शन केले. तसेच तालुका कृषी अधिकारी सौ. दीपाली जाधव यांनी प्रस्ताविकेमध्ये माती नमुना का तपासावे त्याचे कोणकोणते फायदे आहेत ते सांगितले. तसेच कृषी विभागाच्या योजनेविषयी माहिती दिली. यावेळी उपस्थितांना माती नमुना पत्रिका वाटप करण्यात आली. यावेळी युवक नेते संजय डोईफोडे, उपसरपंच शिवाजी दिघे, माजी सरपंच दादासो ज्ञानदेव दिघे, सोसायटीचे माजी चेअरमन धोंडीराम दिघे, नारायण दिघे, दीपक भगत, आप्पा इंगवले, विष्णू दिघे, सुरेश दिघे, बंडू चौगुले, गोरख सूर्यगंध, पप्पू माने, भास्कर दिघे इ. सह शेतकरी वर्ग  उपस्थित होते. 

तसेच कृषी कार्यालय सांगोला येथील कृषी पर्यवेक्षक चव्हाण, कृषी पर्यवेक्षक श्रीकांत शिंदे, आत्माचे पोळ, सोनवणे, कृषी सहाय्यक मनोज जाधव उपस्थित होते. कार्यक्रमानंतर एमआरईजीएस फळबाग लागवड भाऊसाहेब फुंडकर फळबाग लागवड प्लॉटची पाहणी केली. कार्यक्रमाचे  आभार मंडळ कृषी अधिकारी झांबरे यांनी मानले.