सांगोला - मागील काही दिवसांमध्ये अवकाळी पावसामुळे महाराष्ट्रामध्ये विविध ठिकाणी पूर येऊन शेतकरी बांधवांचे मोठ्या प्रमाणात नुकसान झाले आहे. यासाठी सांगोला नगरपरिषद अंतर्गत स्थापन करण्यात आलेल्या बचत गटांनी एक सामाजिक बांधिलकी म्हणून स्वप्रेरणेने रक्कम रुपये 45000/- जमा केली. सदरची रक्कम पूरग्रस्तांना पोचविण्यासाठी मुख्याधिकारी डॉ सुधीर गवळी यांच्याकडे सर्व बचत गटांचे प्रतिनिधी म्हणून कर्तव्य शहरस्तर संघाच्या अध्यक्षा सौ सुनंदा घोंगडे, सचिव सौ मनिषा हुंडेकरी, सदस्य सौ ज्योत्स्ना बनसोडे, सौ शकुंतला खडतरे व स्वप्नाली धोकटे यांच्या हस्ते धनादेश सुपूर्द करण्यात आला. यावेळी नगरपरिषदेचे कार्यालयीन अधीक्षक श्री सचिन पाडे, सहा प्रकल्प अधिकारी श्री योगेश गंगाधरे, श्री बिरप्पा हाके, श्री शरद थोरात श्रीम जयश्री खडतरे समूह संसाधन व्यक्ती श्रीम सविता लोखंडे, श्रीम. कोमल चांडोले, श्रीम. सारिका लोखंडे इत्यादी अधिकारी कर्मचारी उपस्थित होते.
—————————————————————-
बचत गटातील महिलांनी पूरग्रस्त शेतकरी बांधवांसाठी केलेली मदत हे समाजासाठी एक आदर्श उदाहरण आहे. पूरग्रस्तांच्या प्रती महिलांनी दाखवलेली सामाजिक बांधिलकी बद्दल नगरपरिषद आभारी आहे.
डॉ. सुधीर गवळी, मुख्याधिकारी तथा प्रशासक, नगरपरिषद सांगोला
Post a Comment
0 Comments